ООО-у «ЭкоЦентр» зыфиIорэм иинтернет нэкIубгъо «унэе кабинет» иI. Ар физическэ лицэхэм ямызакъоу, бизнесым пылъхэми агъэфедэн алъэкIынэу щыт.

— «Унэе кабинетым» Iоф зэришIэрэм тылъыплъэзэ зэрэдгъэунэфыгъэмкIэ, республикэм щыпсэухэрэм ар чанэу агъэфедэ. АщкIэ хэкIыр зэрэIуащырэм ыуасэу къафалъытагъэр, атыгъэр, къэнагъэр зэрагъашIэ, квитанциехэр афахьыфэкIэ емыжэхэу къыдахых. Ащ тетэу юридическэ лицэхэми, унэе предпринимательхэми ар агъэфедэн алъэ­кIыщт, — къыIуагъ «ЭкоЦентрэм» и Адыгэ шъолъыр къутамэ икоммерческэ отдел ипащэ игуадзэу Елена Гапичевам.

«Унэе кабинетым» ахэм зыщатхыным пае «юридическое лицо» зыфиIорэ категориер къызэIупхын, ИНН ыкIи КПП зыфиIохэрэм ящыкIагъэр арыптхэнышъ, электроннэ адресыр щыбгъэнэфэн фае. Уиунэе нэкIубгъо пыдзэфэ пытэхэр зэрэIуащыщтым пае зэзэгъыныгъэу щыпшIыгъэр, счетхэр ибгъотэщтых.

Мы лъэныкъомкIэ упчIэ зиIэ хъурэр блыпэ — бэрэскэшхо мафэхэм сыхьатыр 10-м къыщегъэжьагъэу 19-м нэс мы телефонымкIэ къытеон ылъэкIыщт: 8-995-904-98-94.

ООО-у «ЭкоЦентр» зыфиIорэм и Адыгэ шъолъыр къутамэ ипресс-къулыкъу.