Шъусакъ!
ФГБУ-у «Темыр-Кавказ УГМС-м» къызэритыгъэмкIэ, 2020-рэ илъэсым шышъхьэIум и 26-м къыщегъэжьагъэу и 29-м нэс Адыгэ Республикэм игупчэ, итемыр лъэныкъохэм машIом зыкъиштэнымкIэ щынэгъошхо ашъхьарытыщт.
МашIом мэзхэм, къамыл зэхэкIыхьагъэхэм, экономикэм ипсэуалъэхэм, псэупIэхэу тхьамыкIагъо къызыщыхъун ылъэкIыщт чIыпIэхэм апэблагъэхэм закъыщиштэн ылъэкIыщт.
Адыгэ Республикэм имуниципальнэ образование машIом зыкъыщиштэн зэрилъэкIыщтым ехьылIэгъэ къэбарыр предприятиехэм, организациехэм, къэгъэнэжьын амалхэр зезыхьэрэ къулыкъухэм япащэхэм алъагъэIэсын, машIом зыкъимыштэнымкIэ режим гъэнэфагъэ муниципальнэ образованием щыгъэуцугъэн, чIыопс мэхьанэ зиIэ тхьамыкIагъохэм къыздахьыхэрэр дэгъэзыжьыгъэнхэм къулыкъу гъэнэфагъэхэр фэгъэхьазырыгъэнхэ фае. Техникэмрэ нэмыкI пкъыгъохэмрэ афикъущтхэмэ зэрагъэшIэнэу, амалхэр псынкIэу зезыхьэрэ къулыкъухэм, дежурнэ частхэм, диспетчерскэ къулыкъухэм (ГИБДД-м, ОВД-м, ДРСУ-м, РРЭС-м, СМП-м ыкIи нэмыкIхэм) ренэу гъусэныгъэ адыряIэнэу, администрацием иIофышIэхэм ЖКХ-м ипсэолъэ шъхьаIэхэм Iоф зэрашIэрэм чэщи, мафи гъунэ лъафынэу, муниципальнэ образованиехэм адэсхэм мы къэбарыр алъагъэIэсынэу, Iофтхьабзэу зэрахьагъэхэмкIэ Урысыем и МЧС Адыгэ РеспубликэмкIэ и ГъэIорышIэпIэ шъхьаIэ электрон почтэу cuks01ra- @mail.ru зыфиIорэмкIэ макъэ рагъэIунэу къэралыгъо инспекторхэм игъо алъэгъу.