«Россети Кубань» зыфиIорэм и Адыгэ къутамэ иIофышIэхэм трансформаторнэ подстанциитIу чIадзыжьыгъэхэу Шэуджэн районым къыщагъотыгъ. Электричествэм епхыгъэ хъызмэтшIапIэхэр инвентаризацие зашIыхэм, псэуалъэхэр агъэунэфыгъэх.

Зэхэубытэгъэ трансформаторнэ подстанциехэр къуаджэу Мамхыгъэ ыкIи къутырэу Свободный трудым адэтых. Ахэр зыехэр къутамэм зыкъыфагъэ­зэнэу энергетикхэр къяджэх. Джащ фэдэу телефон номерхэу 8-8772-59-22-27-мкIэ; 8-8772-59-23-27-мкIэ теонхэ е электроннэ почтэм иадресэу Androso-vaTS@adseti.ru зыфиIорэр къызфагъэфедэн алъэкIыщт.

«Россети Кубань» зыфиIорэм шъугу къегъэкIыжьы, электричествэм епхыгъэ объектыр щынагъоу зэрэщытыр. Ащ техническэ шапхъэу пылъхэр агъэ­цакIэхэ зыхъукIэ хэшIыкI фызиIэхэр ары екIолIэнхэу щытхэр, армырмэ тхьамыкIагъо къыкIэлъыкIон ылъэкIыщт.

Энергетикхэм цIыфхэм закъы­фагъазэ мыщ фэдэ псэуа­лъэхэм апэгъунэгъоу щытхэ хъумэ сакъыныгъэ къызхагъэ­фэнэу, подстанцием благъэу кIэрымыхьанхэу, трансформаторыр зычIэтым ипчъэ Iуамыхы­нэу, ток зэрыкIорэ гъучIычым емы­Iэбынхэу, ащ фэдэ гъучIы­чыр чIыгум хэлъы хъумэ, метри 10-кIэ нахь гъунэгъоу емыкIолIэнхэу. Электричествэр къэзытырэ оборудованием Iоф ымышIэу шъурихьылIагъэмэ, «Россети Кубань» зыфиIорэм илиние плъыр ителефон номерэу 8-800-220-02-20-м ыпкIэ хэмылъэу шъутеон шъулъэкIыщт.

«Россети Кубань» зыфиIорэм и Адыгэ къутамэ Пшызэ ыкIи Адыгеим имуниципальнэ образовании 8-мэ электроэнергиер аIэкIегъахьэ. Ахэр Мыекъопэ, Джэджэ, Шэуджэн, Кощхьэблэ ыкIи Красногвардейскэ районхэр, Мыекъуапэ, джащ фэдэу Краснодар краим ит Шытхьэлэ ыкIи Апшеронскэ районхэр. ЗэкIэмкIи ахэм ащыпсэухэрэм япчъагъэ нэбгырэ мин 520-м ехъу.