КIэлэпIупкIэр зэримытырэм къыхэкIэу Мыекъопэ районым щыпсэурэ хъулъфыгъэм административнэ пшъэдэкIыжь рагъэхьыгъ. Мыщ фэдэ унашъо хьыкумым ышIыгъ.

ИсабыитIу атефэрэ ахъщэр ащ афызэкIигъэкIожьын зэрэфаер зэрыт тхьапэр хьыкум приставхэм я Мыекъопэ район отдел къыIэкIэхьагъ. Ипшъэрылъ зэримыгъэцакIэрэм ыкIи зызэригъэбылъырэм къыхэкIэу ащ лъыхъунхэу рагъэжьагъ.

Хьыкум приставхэм зэхащэгъэ Iоф­тхьабзэхэм яшIуагъэкIэ хъулъфыгъэр зыдэщыIэр агъэунэфыгъ. А уахътэм ехъулIэу кIэлэпIупкIэм итынкIэ чIыфэу телъыр сомэ мини 100-м ехъугъ.

Хьыкум приставым ар къыдилъыти, административнэ протокол зэхигъэу­цуагъ. Мыекъопэ районым ихьыкум участкэу N 2-м изэгъэшIужь хьыкумышI хъулъфыгъэм лажьэ иIэу ылъытагъ ыкIи мэфи 10-м телъы­тэгъэ административнэ арест тырилъхьагъ.

Ащ фэдэ екIолIакIэм шIуагъэ къытыгъ, хъулъфыгъэм телъыгъэ чIыфэм щыщэу сомэ мин 40-р къыпщыныжьыгъ, адрэ къэнагъэри исабыйхэм шIэхэу афызэкIигъэкIожьыщтэу гущыIэ къаритыгъ.

Хьыкум приставхэм я Федеральнэ къулыкъу АдыгеимкIэ и ГъэIорышIапIэ ипресс-къулыкъу.