Хэгъэгу зэошхом текIоныгъэр къыз­щыдахыгъэр илъэс 75-рэ зэрэхъугъэм фэгъэхьыгъэ тарихъ-патриотическэ проектэу «Ломоносовский обоз. Грозный — Къырым» зыфиIорэр Къыблэ ыкIи Темыр-Кавказ федеральнэ шъолъырхэм ащэкIо.

Форумэу «Мэщыкъу-2020-рэ» зыфиIорэм иапэрэ едзыгъоу щыIагъэм текIоныгъэ къыщыдэзыхыгъэ студент нэбгырэ 50-р непэ Мыекъуапэ къэкIох. Ахэр Адыгеим илъэпкъ ансамблэу «Налмэсым» ирепетицие хэлэжьэ— щтых, нэужым Мыекъуапэ имемориальнэ гупчэ къэгъагъэхэр кIэралъхьащтых.

Лъэпкъ IофыгъохэмкIэ Федеральнэ агентствэр яIэпыIэгъоу мы проектыр 2020-рэ илъэсым шышъхьэIум и 21-м къалэу Грознэм къыщежьагъ ыкIи Iоныгъом и 1-м нэс Къыблэ ыкIи Темыр-Кавказ федеральнэ шъолъырхэм ащыкIощт.