Адыгэ Республикэм щыпсэухэу лъытэныгъэ зыфэтшIыхэрэр! ТичIыпIэгъу лъапIэхэр!

Урысые Федерацием и Къэралыгъо быракъ и Мафэ фэшI тышъуфэгушIо!

Урысыем ибыракъэу фыжь-­шхъонтIэ-плъыжь кусэхэр зиIэр, гербыр, гимныр тихэгъэгу икъэралыгъо тамыгъэ шъхьаIэх. ТиблэкIыгъи, тинепи, тинеущи пытэу зэрэзэпхыгъэр, лIэшIэ­гъу­бэмэ къакIоцI тарихъ гъогу­шхо къэзыкIугъэ, щытхъубэ къэ­зылэжьыгъэ Урысыем тызэрэ­рыгушхорэр ащ къегъэлъагъо.

Быракъым сыдигъуи тихэ­гъэгогъухэр текIоныгъакIэхэм къафиIэтыщтыгъ, хэгъэгу гупсэм шIулъэгъоу фыряIэр нахь ыгъэ­пытэщтыгъ, Урысыер нахь лъэш, нахь фэшIыгъэ хъуным пае лъэпкъ зэфэшъхьафхэм къа­хэкIыгъэхэр зэкъуигъэуцощтыгъэх.

Мы мэфэкIыр амал дэгъоу щыт ти Хэгъэгу шIу зэрэтлъэгъурэр, ти Къэралыгъо быракъ ифэшъошэ уасэ зэрэфэтшIырэр джыри зэ къэдгъэлъэгъонымкIэ. Тызэкъотмэ сыд фэдэрэ пшъэрылъи зэрэзэшIотхышъущтыр ащ тыгу къегъэкIыжьы.

Адыгэ Республикэм щыпсэу­хэрэм гъэпсын IофшIэныр зэ­рэлъагъэкIотэщтым, тихэгъэгу хэхъоныгъэ егъэшIыгъэным акIуа­чIэ тапэкIи зэрэрахьы­лIэщтым тицыхьэ телъ.

ТичIыпIэгъу лъапIэхэр, тыгу къыддеIэу тышъуфэлъаIо шъуигухэлъышIухэр къыжъудэхъунэу, шъуисэнэхьаткIи, шъуитворчествэкIи гъэхъэгъакIэхэр шъу­шIынэу, псауныгъэ пытэрэ щы­IэкIэ-псэукIэ дэгъурэ шъуиIэнэу, мамырэу, шъузэгурыIоу шъупсэунэу!

Адыгэ Республикэм и ЛIышъхьэу, Урысые политикэ партиеу «Единэ Россием» и Адыгэ регион къутамэ и Секретарэу КъумпIыл Мурат Адыгэ Республикэм и Къэралыгъо Совет — Хасэм и Тхьаматэу Владимир Нарожный