Урысыем и Почтэ и ГъэIорышIапIэу Адыгэ Республикэм щыIэм пандемием илъэхъан, мэлылъфэгъум къыщегъэжьагъэу бэдзэогъум нэс, нэбгырэ 50-м ехъумэ IофшIапIэ аригъэгъотыгъ.

Ахэм ащыщэу нэбгырэ 34-р почтальо­ных, 9-р операторых. Джыри нэбгырэ 30-м ехъу компанием ыштэн гухэлъ иI. Шъолъырым щыпсэурэ цIыфхэу пандемием илъэхъан IофшIапIэ чIэзынагъэхэм мыщ фэдэ шIыкIэмкIэ IэпыIэгъу афэхъух.

Мы уахътэм почтальонхэм ыкIи операторхэм фэIо-фашIэу агъэцакIэхэ­рэм нахь къакIэупчIэхэ хъугъэ. Ныбжьым емылъытыгъэу мы къулыкъушIэ­хэм яIофшIэн зэкIэми агъэцэкIэн алъэ­кIыщт. АпэрапшIэ ушъхьагъу зэфэшъхьафхэмкIэ пIэлъэ кIыхьэм телъытагъэу отпуск тIысыгъэхэмкIэ мыр амалышIу. ЦIыфыр фаеу щытмэ IофшIапIэм официальнэу Iуагъэхьан алъэкIыщт.

Почтэм икъутамэхэм IофшIэныр ащезыгъэжьэгъакIэхэм яегъэджэн епхыгъэ проектэу «Адаптация и наставничество» зыфиIорэр атIупщыгъ. Корпоративнэ егъэджэным амал къеты цIыфым зыпари пэрыохъу къыфэмы­хъоу иIэпэIэсэ­ныгъэ хигъэхъоныр. Почтэр апэрэ IофшIэпIэ чIыпIэу къыхэзыхыгъэ­хэмкIэ мы проектыр IэпыIэгъушIоу щыт. Шапхъэу щыIэхэр дэх имыIэу цIыфым ыгъэцакIэхэ зыхъукIэ, лъэгэпIэ инхэм анэсын амал иIэщт. ГущыIэм пае, операторэу лажьэзэ IофшIакIор илъэс 1,5 — 2-кIэ дэкIоен ыкIи почтэ зэпхыныгъэм икъутамэ ипащэу хъун ылъэкIыщт.

УФ-м и Почтэ и ГъэIорышIапIэу АР-м щыIэм Iухьанэу фаехэр телефон номерхэу 8(8772) 52-57-92-м, 8(918) 228-85-31-м атеонхэ алъэкIыщт.