УФ-м ПенсиехэмкIэ ифонд и Къутамэу АР-м щыIэм тишъолъыр ит банкхэм ащыщэу хым зэзэгъыныгъэхэр адишIыгъэх. Ны мылъкум къыдэлъытэгъэ ахъщэр къызтефэхэрэм кредитхэр къызфагъэфедэзэ псэукIэ амалхэр нахьышIу ашIын алъэкIыныр ары зыфытегъэпсыхьагъэр.

Джы унагъохэм чIыфэ къэзытырэ организациехэмкIэ къи­кIыхэзэ ны мылъкур агъэфедэн амал яIэ хъугъэ. ПАО-у «Сбербанк России», АО-у «Россельхозбанк», ПАО-у «ВТБ-Южный», АО-у «Майкопбанк», ООО-у «Кубань Кредит» ыкIи ПАО-у «МИнБанк» зыфиIохэрэр ары фондым зэзэгъыныгъэ зыдишIыгъэу, IэпыIэгъу къафэхъущтхэр.

Сертификатыр къызэраты­гъэу, мы банкхэм ащыщ иклиент хъухэрэм псэупIэ ащэфынэу е ашIынэу кредит агъэпсымэ, апэрэ взносым, процентхэм е чIыфэу аштагъэм ны мылъкум къыщыдэлъытэгъэ ахъщэр пэIуа­гъэхьанэу лъэIу тхылъ атын алъэкIыщт. НахьыпэкIэ ащ пае ПенсиехэмкIэ фондыми, банкыми зафагъэзэн фаеу щытыгъэ­мэ, джы банкым пстэури щагъэ­псын алъэкIыщт. ЛъэIу ыкIи нэмыкI тхылъэу ищыкIагъэхэр банкым фондым электроннэ шIыкIэм тетэу IэкIигъэхьащтых. Ащ Iофхэр къыгъэпсынкIэщт.

Статистикэм къызэригъэлъэгъуагъэмкIэ, ны мылъкум къыдэ­лъытэгъэ ахъщэр нахьыбэу псэ­укIэ амалхэр нахьышIу шIыгъэнхэр ары зыпэIуагъа­хьэрэр. Адыгеим щыпсэоу мы IэпыIэ­гъур къызтефагъэхэм япроцент 50-м ехъумэ аущтэу ар агъэфедагъ.

УФ-м ПенсиехэмкIэ ифонд и Къутамэу АР-м щыIэм ипресс-къулыкъу.