«Зэкъошныгъ» Мыекъуапэ — «Анжи» Махачкала — 1:4.

ШышъхьэIум и 9-м Мыекъуапэ щызэдешIагъэх. «Зэкъошныгъэм» хэтэу къэлапчъэм Iэгуаор дэ­зыдзагъэр Бабенко.

Хэгъэгум футболымкIэ изэнэ­къокъу ятIонэрэ купэу «Къыблэм» щырагъэжьагъ. 2020 — 2021-рэ илъэс ешIэгъум хэхьэрэ зэIукIэгъоу республикэм ста­дионым щыкIуагъэм Адыгеимрэ Дагъыстанрэ якомандэхэр щызэнэкъокъугъэх.

«Анжи» ешIэгъур 2:1-у ыхьызэ, «Зэкъошныгъэр» ыпэкIэ илъы­щтыгъ, хъагъэм Iэгуаор дидзэнэу амалхэр иIагъэх. ТиухъумакIохэм хэукъоныгъэу ашIыгъэр лъэшэу къягоуагъ. «Анжи» иешIакIохэм ящэнэрэ Iэгуаор тикъэлапчъэ къыдадзагъ. ЗэIу­кIэгъур зыщаухыщт уахътэм Да­гъыстан иешIакIохэм пчъагъэм хагъэхъуагъ.

— Илъэс зэнэкъокъум зыфэдгъэхьазырзэ, ешIэкIо ныбжьы­кIа­бэ клубым ыштагъ. Ныбджэгъу-­уплъэкIун зэIукIэгъухэр тызэ­рэ­фаем фэдэу зэхэтщэнхэ тлъэ­кIыгъэп, — къытиIуагъ «Зэкъошныгъэм» итренер шъхьаIэу Ешы­гоо Сэфэрбый. — Уахътэ бэ тетымыгъашIэу ешIэкIэ хэхыгъэ къэдгъэлъэгъоныр типшъэрылъхэм ащыщ. ЯIэпэIэсэныгъэ ха­гъахъозэ, зэгурыIоныгъэ ахэлъэу ешIэхэ зыхъукIэ, текIоныгъэм нахь дэгъоу фэбэнэщтых.

ЗэIукIэгъухэм якIэуххэр

Апэрэ ешIэгъухэр зэраухы­гъэхэр зэтэгъапшэх.

«Мэщыкъу» — «Махачкала» — 4:1, «Легион» — «Черноморец» — 1:0, «ТIуапсэ» — «Кубань» — 1:6, СКА — «Спартак» — 1:0, «Краснодар-3» — «Биолог» — 1:0, «Кубань-Холдинг» — «Ессентуки» — 2:0, «Форте» — «Динамо» — 4:0.

ЧIыпIэхэр

1. «Кубань» — 3 2. «Форте» — 3 3. «Анжи» — 3 4. «Мэщыкъу» — 3 5. «Кубань-Холдинг» — 3 6. «Легион» — 3 7. СКА — 3 8. «Краснодар-3» — 3 9. «Черноморец» — 0 10. «Спартак» — 0 11. «Биолог» — 0 12. «Ессентуки» — 0 13. «Зэкъошныгъ» — 0 14. «Махачкала» — 0 15. «Динамо» — 0 16. «ТIуапсэ» — 0 17. «Интер» — 0.

Апэрэ ешIэгъухэр гъэшIэгъонэу кIуагъэх. Зы зэIукIэгъу нэмыIэми пчъагъэр зэфэдэу аухыгъэп. «Кубань» купым текIоныгъэр къыщыдихын имурад. Хэта ащ пхъашэу къенэкъокъущтыр?

ШышъхьэIум и 15-м ятIонэрэ зэIукIэгъухэр «Къыблэм» щы­зэхащэщтых. «Зэкъошныгъэр» Ставрополь «Динамэм» щенэ­къокъущт.