IофшIэпIэ чIыпIэхэр къэзытэу ПенсиехэмкIэ фондым зыщызытхы­гъэ­хэм бэдзэогъу мазэмкIэ отчетхэр шышъхьэIум и 17-м шIомы­кIэу къатынхэ фае.

«СЗВ-М» зыфиIорэ шIыкIэм техыгъэ отчетхэр Iоф­шIапIэхэм аIутхэм апае мазэ къэс къатынхэ фаеу щыт. Ащ а уахътэм Iоф зышIэхэрэм ямызакъоу, кIэлэцIыкIу къызэрэфэхъугъэм пае отпуск кIуагъэхэри, илэжьапкIэ къэмыгъэнэжьыгъэу охътэ гъэ­нэфагъэкIэ IукIыгъэхэри къыхеубытэх. АдыгеимкIэ ащ фэдэ страхователэу мазэ къэс отчет къэзытырэр мини 6 фэдиз мэхъу.

Тхылъыр зэригъэпсыщтымкIэ упчIэ зиIэ хъурэм Пен­сиехэмкIэ фондым ичIыпIэ органэу къыпэблагъэм зыфигъэзэн ылъэкIыщт. Фондым иинтернет нэкIубгъоу www.pfrf.ru зыфиIорэм ихьэми программэу ащкIэ IэпыIэгъу къыфэхъущтыр ригъотэщт.

АР-м ПенсиехэмкIэ ифонд и Къутамэу АР-м щыIэм ипресс-къулыкъу