Лъэпкъ проектэу «Гъэсэныгъэм» къыдыхэлъы­та­гъэу «Цифровая образовательная среда» зыфиIорэр шъолъырым щагъэцакIэ. Ащ ишIуагъэкIэ Адыгеим ит Красногвардейскэ районым мультимедийнэ оборудование къыIэ­кIэхьагъ.

Лъэныкъо зэфэшъхьафхэмкIэ бгъэфедэн плъэкIыщт псэуа­лъэр, кIэлэегъаджэхэм ыкIи кIэлэеджакIохэм апае ноутбукхэр, смарт-доскэхэр комплект пэпчъ хэлъых. Оборудованиеу районым къыIэкIэхьагъэм сомэ миллион 14-м ехъу пэIухьагъ.

ПсэупIэхэу Садовэм, Еленовскэм, Большесидоровскэм, Преображенскэм, Красногвардейскэм, къуаджэхэу Улапэрэ Бжъэ­дыгъухьаблэрэ псэолъакIэхэр аIэ­кIагъэхьащтых.

— Аужырэ шапхъэхэм адиштэрэ оборудованиехэм яшIуагъэкIэ кIэлэеджакIохэм шIэныгъэ куухэр зэрагъэгъотын амал щыIэ хъущт, — къыщаIуагъ район администрацием ипресс-къулыкъу. (Тикорр.).