Коронавирусым зызэриушъомбгъурэм емылъытыгъэу сымаджэхэу зижъэжъые ыгъэцакIэрэр зыфимыкъухэрэм зыщяIэзэ­хэрэ отделением иIофшIэн зэпигъэугъэп. ЗэхъокIыныгъэ зыфэхъугъэр сымаджэхэр къызэращэрэ гъогур ыкIи санитарнэ щынэгъончъагъэм ишапхъэхэр зэрагъэлъэшыгъэхэр ары.

— Зэпахырэ узхэм зыщяIазэхэрэ госпиталым къыращырэ сымаджэхэм зыпкъ итэу медицинэ IэпыIэгъу языгъэгъотырэр тэ тиотделение закъу. Мэзищ хъугъэу ухъумэн шъуашэхэр зыщытлъэхэзэ, диализнэ сымаджэхэм тяIазэ, — къы­щаIуагъ отделением иIофышIэхэм инстаграм нэкIубгъом.

Диализ зищыкIэгъэ сымаджэхэу коронавирусыр иIэу зэгуцафэхэрэм е зиIэу къыхагъэщыгъэхэм апае чIыпIэ афыха­хыгъ, хэушъхьафыкIыгъэу медицинэ IофышIэхэм ябригадэ афагъэнэфагъ.

Джащ фэдэу, эпидемиологие Iофым изытет зыщыхьылъэ уахътэм Адыгеим имедикхэм яIофшIэн лъагъэкIуатэ.