Унашъохэр къышIыгъэх
Роспотребнадзорым ипащэу Анна Поповам 2020 — 2021-рэ илъэсхэм гриппым, пэтхъу-Iутхъум, нэмыкI зэпахырэ узхэм апэшIуекIогъэным фытегъэпсыхьэгъэ пэшIорыгъэшъ Iофтхьабзэхэр ыгъэнэфагъэх. Мыщ епхыгъэ унашъом бэдзэогъум и 29-м кIэтхагъ.
Тхыгъэм зэритымкIэ, цIыфхэм IофшIэныр рамыгъажьэзэ ятемпературэ ауплъэкIун фае. Ар дэкIоягъэу загъэунэфыкIэ, IофшIэным рагъэкIолIэщтэп. ЛэжьапIэм Iут цIыфхэр прививкэ ашIынхэу, пэтхъу-Iутхъу зиIэхэр къыдамыгъэкIынхэу тхыгъэм къыщеIо.
Iэзэгъу уцхэр, дезинфекцие зэрашIырэ пкъыгъохэр медицинэ организациехэм аIэкIагъэхьанхэр шъолъырхэм япащэхэм анахьэу анаIэ зытырагъэтын фэе лъэныкъохэм ащыщ. Эпидемиер къызщежьэрэ уахътэм гриппым пэшIуекIорэ вакцинэ Урысыем щыпсэухэрэм япроцент 60-мэ ахалъхьанэу агъэнафэ. (Тикорр.).