Адыгеим и Къэра­лыгъо автоинспекцие иIофы­шIэхэм ны-тыхэм заIуагъакIэзэ зэдэгущыIэгъу­хэр адашIых. БэмышIэу зэхащэгъэ Iофтхьабзэр хэу­шъхьафыкIыгъэ кIэлэ­цIыкIу тIысыпIэхэу автомобильхэм арытхэм ямэхьанэ фэгъэхьыгъагъ.

КIэлэцIыкIухэм ны-тыхэр ары щысэшIу афэхъухэрэр, арышъ, ахэр транспортым зитIысхьэхэкIэ щынэгъончъэ бгырыпхымкIэ зырапхыхьанэу щыт.

Зыныбжь имыкъугъэхэр зезы­щэхэрэ водительхэм пшъэдэкIы­жьышхо зэрахьырэр агу къагъэ­кIыжьыгъ. Джащ фэдэу хэушъхьафыкIыгъэ кIэлэцIыкIу тIысыпIэхэр зыфэдэхэр, сабыим ыныбжь елъытыгъэу ахэр къызэ­рэ­хэпхыщтхэр, автомобилым ыкIоцI зэрибгъэуцощт шIыкIэхэр зэхэщакIохэм ны-тыхэм къафа­Iотагъэх.

Анахьэу анаIэ зытырадзагъэр ежь ны-тыхэр машинэм зэри­тIысхьэхэу щынэгъончъэ бгырыпхыр зэрэзытыралъхьэрэр сабы­им рагъэлъэгъунэу зэрэщытыр ары.

Хэбзэукъоныгъэхэр дэгъэзыжьыгъэнхэм фэшI хэушъхьафыкIыгъэ кIэлэцIыкIу тIысыпIэхэр зэрагъэфедэщтым имэхьанэ къизыIотыкIырэ тхыгъэхэр водительхэм афагощыгъэх.