ЧIыфэр къыпщыныгъ
Джэджэ районым щыпсэурэ хъулъфыгъэу кIэлэпIупкIэр игъом зымытырэм административнэ пшъэдэкIыжь зырагъэхьым ыуж чIыфэу телъыр зэкIэ къыпщыныжьыгъ.
Хьыкумым унашъоу ышIыгъэр зэримыгъэцакIэрэм къыхэкIыкIэ хъулъфыгъэм чIыфэу зэIуигъэкIагъэр сомэ мин 30-м нэсыгъ.
Хабзэ зэрэхъугъэу, мыщ фэдэ ны-тыхэм хьыкум приставхэр аIокIэх, адэгущыIэх, язекIуакIэ зэрэмытэрэзыр, административнэ пшъэдэкIыжьым уголовнэ Iоф къыкIэлъыкIон зэрилъэкIыщтыр агурагъаIо. Ау бэмэ ащ фэдэ фыщытыкIэ дэгъур зэхашIэрэп, япшъэрылъхэр агъэцэкIэнхэм дэгуIэхэрэп.
Джэджэ районым ихьыкум участкэу N 2-м изэгъэшIужь хьыкумышIэ хъулъфыгъэм ылъэныкъокIэ къызэIуахыгъэ Iофым хэплъагъ ыкIи ащ лажьэ иIэу ыгъэунэфыгъ. Сыхьат 60-м телъытэгъэ шIокI зимыIэ IофшIэнхэр зегъэцакIэхэ нэуж кIэлэпIупкIэмкIэ чIыфэу телъыгъэр зэкIэ ащ къыпщыныжьыгъ.
Хьыкум приставхэм я Федеральнэ къулыкъу АдыгеимкIэ и ГъэIорышIапIэ ипресс-къулыкъу.