Гъэмафэм гухахъомрэ гушIуагъомрэ анэмыкIэу, гукъауи, тхьамыкIагъуи къыздихьын ылъэкIыщт. МэшIогъэкIуасэхэмкIэ ар лъэхъэнэ гумэкIыгъоу щыт. Уц гъугъэхэми, пыдзафэхэми, хэкIхэми гъэмафэрэ машIо къакIэнэным ищынагъо щыI.

МашIом зыкъиштэн зилъэкIыщт лъэ­хъаным къэлэдэсхэми, предприятиехэм япащэхэми сакъыныгъэ къызыхагъэфэн, ящагухэр агъэкъэбзэн фае. Унэхэмрэ псэуалъэхэмрэ метрэ 50-кIэ апэIудзыгъэу чIыпIэ гъэнэфагъэхэр ары хэкIхэр зыщыжъугъэстмэ хъущтыр. Электроприборхэр хэгъэнагъэхэу зи алъымыплъэу къэшъумыгъанэх, кIэлэцIыкIухэр анэмысынэу сырнычхэр лъагэу жъугъэтIылъых. Шъушъхьи, шъуигупсэхэри къэшъуухъу­мэх. МэшIогъэкIосэ къулыкъум джыри зэ шъугу къегъэкIыжьы машIом зыкъимыштэным пае дэх имыIэу шапхъэхэр къызэрэдэшъулъытэн фаер.

ЗыгорэкIэ машIом зыкъиштагъэу зышъулъэгъукIэ, телефонэу 01-мкIэ е 010-мкIэ мэшIогъэкIосэ къулыкъум псынкIэу шъутеу, машIом игъэкIосэжьынкIэ ищыкIэгъэ амалхэр зешъу­хьэх.

МэшIогъэкIосэ къулыкъум Мыекъуапэрэ Мыекъопэ районымрэкIэ якъэралыгъо инспекторэу Р.А. Кушъу