Мыекъуапэ иурамхэу Депутатскэмрэ Чкаловым ыцIэ зыхьырэмрэ зыщызэхахьэхэрэм дэжь мафэ къэс зэхащэрэ мэкъумэщ ермэлыкъым иIофшIэн щылъегъэкIуатэ. Ащ нэмыкIэу, 2020-рэ илъэсым бэдзэогъум и 19-м щегъэжьагъэу бэдзэрэу «Казачий» зыфиIорэм пчэдыжьым сыхьатыр 7-м щыублагъэу мафэм сыхьатыр 12-м нэс гъомылэпхъэ ыкIи мэ­къумэщ про­дукциер щащэщт. Мыр тхьаумафэ къэс зэхащэзэ ашIыщт. Джащ фэдэу бэдзэогъум и 18-м, шэмбэтым, Адыгэ республикэ ипподромым иплощадкэ дэжь щыра­гъэкIокIыщт ермэлыкъым пхъэшъхьэ-мышъхьэхэр, хэтэрыкIхэр, нэмыкI продукциер къэлэ­дэсхэм щащэфынхэ алъэкIыщт. (Тикорр.).