Тэхъутэмыкъое рай­оным щыпсэурэ хъулъфыгъэм исчетхэм арест затыралъхьэр ары алиментхэмкIэ чIыфэу телъыр къыпщыныжьынэу зыригъэ­жьагъэр.

Тэхъутэмыкъое район хьыкумым унашъоу ышIыгъэмкIэ зыныбжь имыкъу­гъэ исабый тефэрэ ахъщэр зымытырэ хъулъ­фыгъэм ылъэныкъокIэ Iоф къызэIуа­хыгъ. Ащ ипшъэрылъхэр игъом зэримыгъэцакIэхэрэм къыхэкIэу чIыфэр сомэ мин 70-м ехъугъ.

Мы Iофым изэхэфын фэгъэзэгъэ хьыкум приставым унашъо ышIыгъ банкым ыкIи нэмыкI кредитнэ организацием хъулъфыгъэм иахъщэу арылъым арест атырилъхьанэу.

Мыщ фэдэ екIолIакIэм шIуагъэ къытыгъ, чIыфэ зытелъыр ежь-ежьырэу хьыкум приставым зыкъыфигъэзагъ ыкIи исабый фызэкIигъэкIожьын фаем ызыныкъо зэрипщыныгъэр зэрыт тхьапэр къырихьылIагъ. Ау, счетым арестыр зы­тырахыжьыщтыр чIыфэр зэкIэ къызитыжьыкIэ ары.

Хьыкум приставхэм я Федеральнэ къулыкъу АдыгеимкIэ и ГъэIорышIапIэ ипресс-къулыкъу.