Мафэ къэс автомашинэ 60-мэ Адыгеим пыдзэфэ пытэхэр къыщаугъоих. Ахэр региональнэ операторым мэфипшI тешIэ къэс дезинфекцие ешIых.

— ХэкIыр зэрэзетщэрэ транспортым игъэкъэбзэн ыкIи дезинфекцие шIыгъэным лъэшэу тынаIэ тет, — къыIуагъ ООО-у «ЭкоЦентрэм» и Адыгэ шъо­лъыр къутамэ ипащэу Алыбэрд Налбый. — Ащ ищыкIэгъэ оборудованиер Мыекъопэ, Тэхъу­тэмыкъое районхэм ащытиIэ базэхэм ащыдгъэуцугъ. Санитарнэ шапхъэхэм къадыхэлъы­тэгъэ Iофтхьабзэхэр ащ фэгъэ­зэгъэ организацием зэзэгъыны­гъэу дэтшIыгъэм тетэу аре­шIылIэх. Зэпахырэ узхэм за­мы­ушъомбгъуным фытегъэ­псыхьэгъэ Iофтхьабзэхэр непэ анахьэу гъэцэкIэгъэн фаехэм ащыщых.

Шъугу къэтэгъэкIыжьы, хэкIыр зэрэIуащырэм ылъэныкъокIэ упчIэ зиIэр мы телефонымкIэ къытеон ылъэкIыщт: 8-962-868-14-62.

Офисхэм цIыфхэр рагъэблагъэх

Бэдзэогъум и 9-м ООО-у «ЭкоЦентрэм» иофисхэм нахьыпэрэм фэдэу цIыфхэр рагъэблэгъэнхэу рагъэжьэжьыгъ.

Роспотребнадзорым санитарнэ шапхъэу къыгъэнэфагъэхэр агъэцакIэзэ ахэм Iоф ашIэ. Игъорыгъоу жьы къабзэр къа­чIагъахьэ, вирусым ущызыухъу­мэрэ веществохэмкIэ къатхьакIых, чIаутхэх. Офисхэм къяблагъэхэрэм маскэ аIулъыныр шIокI зимыIэ Iоф, чэзыум хэтхэм метрэрэ ныкъорэ азыфагу илъыным пае афагъэнэфагъэм текIыхэ хъущтэп. ПэIудзыгъэ шIыкIэм тетэуи зафэжъугъэзэн шъулъэкIыщт. Телефонхэр электроннэ почтэм ижъугъотэщтых. Мары ащ иадресыр: https://adygeya.clean-rf.ru. Офисхэр зыдэщыIэхэр: Мые­къуапэкIэ урамэу Пионерскэр, 297-рэ, поселкэу ЯблоновскэмкIэ, урамэу Школьнэр 10/1, АдыгэкъалэкIэ, урамэу Советскэр 2В.

ООО-у «ЭкоЦентрэм» и Адыгэ шъолъыр къутамэ ипресс-къулыкъу.