IофшIэгъухэу, ныбджэгъухэу лъытэныгъэ зыфэсшIыхэрэр!

Тисэнэхьат епхыгъэ мэфэкIыр неущ хэдгъэунэфыкIыщт. ТихэгъэгукIэ почтэм мэхьанэшхо иI, псэупIэ Iудзыгъэхэр зэлъызыгъэIэсырэ амал шъхьаIэу ар щыт. Ощхи, оси ямыIэу письмэзехьэхэм цIыфхэм пенсиехэр, гъэзетхэр, журналхэр аIэкIагъахьэх, коммунальнэ фэIо-фашIэхэм уасэу атефэрэр къаIахы. Акционер обществэу «Урысыем и Почт» зыфиIорэм нэмыкI фэIо-фашIэхэри егъэцакIэх.

Почтэхэм аIутхэм коронавирусым зыкъызештэм япшъэрылъхэр дэгъоу агъэцэкIагъэх. Письмэзехьэхэми, водительхэми, операторхэми, нэмыкI лэжьакIохэми яIофшIэн зы мафи зэпагъэугъэп.

Шъузыпылъ IофымкIэ къулайныгъэрэ IэпэIэсэныгъэ инрэ зэрэшъухэлъыр, пшъэдэкIыжь зэрэшъухьырэр икъоу къызэрэжъугурыIорэр, шъузэрэIофшIэкIошхор къэжъугъэлъэгъуагъ. Ветеранхэми, тикомпание иIофышIэхэми сыгу къыздеIэу сафэгушIо!

ТекIоныгъакIэхэр шъушIынэу, щэIагъэрэ псауныгъэ пытэрэ шъуиIэнэу, шъуигъашIэ кIыхьэ хъунэу сышъу­фэлъаIо!

Федеральнэ почтэ зэпхыныгъэмкIэ ГъэIорышIапIэм Адыгэ РеспубликэмкIэ иIахьзэхэлъ обществэу «Урысыем и Почт» зыфиIорэм ипащэу А. Полухина