Урысые Федерацием икъэралыгъо программэу «Комплексное развитие сельских территорий» зыфиIорэм хэхьэрэ программэу шъолъырым щыпхыращырэ «Къоджэ псэупIэхэм джырэ уахътэм теплъакIэу яIэр» зыфиIорэм къыдыхэлъытагъэу Красногвардейскэ районым проекти 6 щагъэцакIэ. Ахэр къуаджэхэу Улапэ, Хьатикъуае, селохэу Белэм, Еленовскэм, Верхненазаровскэм щагъэцакIэх. ПсэолъэшIыным иобъектхэм ахэхьэ Еленовскэм газрыкIуа­пIэу щашIыгъэр. Мы уахътэм ащ епхыгъэ IофшIэнхэр зэкIэ аухыгъэх. Проектым ишIуагъэкIэ нэбгырэ 32-рэ зыщыпсэурэ псэупIэ 11-мэ газыр афыращэлIагъ.