Хьыкум къулыкъухэм Iоф зэрашIагъэр конференцием щызэфахьы­сы­жьыгъ, тапэкIэ Iоф зыдашIэщт лъэныкъохэр щагъэнэфагъэх.

Конференциер зэрищагъ Адыгэ Республикэм ихьыкумышIхэм я Совет итхьаматэу Н. Ш. Бзэджэжъыкъом. Конференцием хэлэжьагъэх Адыгэ Республикэм и Апшъэрэ, и Ар­битраж хьыкумхэм, респуб­ликэм и Конституционнэ Хьыкум яхьыкумышIхэр, зэгъэшIужь хьыкумышIхэр, район хьыкум­хэмрэ Мыекъопэ гарнизон дзэ хьыкумымрэ яхьыкумышIхэр.

Джащ фэдэу конференцием хэлэжьагъэх Урысые Федерацием и Президент и Полномочнэ лIыкIоу ЮФО-м щыIэм иап­парат Адыгэ РеспубликэмкIэ ифедеральнэ инспектор шъхьа­Iэу Сергей Дрокиныр, Адыгэ Республикэм и Апшъэрэ хьыкум и Тхьаматэу отставкэм щыIэ Трэхъо Аслъан. Коронавирусым зиушъомбгъуным ищынагъо зэ­рэщыIэм епхыгъэу зэфэхьысыжь-хэдзын конференцием изэхэщэнкIэ видео амалхэр къызыфагъэфедагъэх.

Конференциер зэхащэнэу зыкIэхъугъэр Адыгэ Республи­кэм ихьыкумышIхэм я Совет, Адыгэ Республикэм ихьыкумышI­хэм я Квалификационнэ коллегиерэ хьыкумышIхэм квалификационнэ экзаменхэр аIы­хыгъэнхэмкIэ Адыгэ Респуб­ликэм и Экзаменационнэ комиссиерэ ахэтыгъэхэм япол­номочиехэм япIалъэ зэрикIы­гъэр ары.

КъэIогъэн фае хьыкумышIхэм я Квалификационнэ коллегие федеральнэ хьыкумышIхэр, Урысые Федерацием ишъолъыр­хэм яхьыкумхэм яхьыкумышI­хэр, общественностым илIыкIохэр Урысые Федерацием и Президент илIыкIо зэрэхагъа­хьэхэрэр.

Урысые Федерацием ихьыку­мышI­хэм я Совет хагъэхьащт­­ри конференцием щы­хадзыгъ.

ХьыкумышIхэм яконференцие щаштэгъэ унашъом тетэу Адыгэ Республикэм ихьыкумышI­хэм я Совет пэщэныгъэ дызезыхьащтыр Адыгэ Республикэм и Апшъэрэ хьыкум ихьыкумы­шIэу Е. В. Богатыревар ары, ащ игодзэщтых Адыгэ Респуб­ликэм и Арбитраж хьыкум итхьа­матэу А. М. Боровикрэ Адыгэ Республикэм и Конституционнэ Хьыкум и Тхьаматэу А. К. ЛIыхьатыкъомрэ.

Адыгэ Республикэм ихьыкумышIхэм я Квалификационнэ коллегие и Тхьаматэу хадзыгъ Адыгэ Республикэм и Апшъэрэ Хьыкум ихьыкумышIэу Р. А. Хьа­пакIэр, ащ игуадзэхэу агъэ­нэфагъэх Адыгэ Республикэм и Апшъэрэ Хьыкум ихьыкумышIэу Л. И. Демьяненкэмрэ Адыгэ Республикэм и Арбитраж хьыкум ихьыкумышIэу М. А. АфэшIагъомрэ.

АР-м ихьыкумышIхэм я Экзаменационнэ комиссие пэщэныгъэ дызезыхьащтыр Адыгэ Республикэм и Апшъэрэ хьыкум ихьыкумышIэу Е. В. Глуходед. (Тикорр.).