СурэтышI-модельерэу, Адыгеим культурэмкIэ изаслуженнэ IофышIэу, АР-м и Къэралыгъо премие ыкIи общественнэ организациеу «Лига мира» зыфиIорэм итын къыз­фагъэшъошэгъэ СтIашъу Юрэ бэдзэогъум и 1-р ары ымакъэ зитыгъэр.

Къэралыгъом зыпкъитыныгъэ илъынымкIэ Конституцием зэхъокIыныгъэу фашIыгъэхэм мэхьанэ зэряIэр ащ къы­кIигъэтхъыгъ.

— УФ-м и Конституцие тымакъэ­хэр зэрэфэттыхэрэр зы хъугъэ-шIэгъэ инэу тарихъым къыхэнэжьыщт. Ар тэры зи Закон шъхьаIэр, ащ итыщтыр къыхэзыхын фаер зипшъэ­рылъыр тэры. Тэ тымакъэхэр тымытыхэмэ, хэта ар тфэзышIэщтыр? А зэпстэур къыдэслъыти хэдзыпIэ участкэм непэ сыкъэкIуагъ, — къы­Iуагъ СтIашъу Юрэ.