Сэкъатныгъэ зиIэхэм я Урысые обществэ и Адыгэ респуб­ликэ организацие ипащэу Агъыр­жьэнэкъо Симэ хэдзыпIэ участкэу зэпхыгъэм ымакъэ щитыгъ. УФ-м и Конституцие гъэтэрэзыжьынхэр фэшIыгъэнхэм ухэлэжьэным мэхьанэ иIэу ащ елъытэ. — Тихэгъэгу къырыкIощтым тимыгъэгумэкIын тлъэкIыщтэп. Арышъ, мэкъэтынхэм тахэлэжьэн, къэралыгъор нахь пытэным тиIахь хэтлъхьан фае. ЦIыфхэр, анахьэу зипсауныгъэ пыч фэхъугъэхэр, социальнэу ухъу­мэгъэнхэм мэхьанэ иI. Сэкъатныгъэ зиIэхэм, нэмыкIхэм афэдэу, гражданскэ, экономическэ, политическэ ыкIи нэмыкI фитыныгъэу яIэхэр агъэфедэнхэу, хэхъоныгъэхэр ашIынхэу амал ятыгъэныр шIокI зимыIэ Iоф. Ихэ­гъэгу джыри нахь хахъомэ зышIоигъом ымакъэ ытын фаеу сэлъытэ, — къы­Iуагъ ащ.