Урысыем и ДОСААФ и Адыгэ шъолъыр къутамэ ипащэу подполковникэу Барцо Тимур Конституцием гъэтэрэзыжьынэу фашIы­гъэхэм апае ымакъэ ытыгъ ыкIи къыткIэхъухьэрэ лIэужхэм патриотизмагъэ ахэлъхьэгъэнымкIэ ащ мэхьанэ зэриIэр къыхигъэщыгъ.

— ТикIэлэцIыкIухэм зэо-зэпэуцу­жьыр зыфэдэр амышIэнэу тыфаешъ, кIочIэшхо зиIэ Урысые лъэш тищы­кIагъ. Ащ фэшI ныбжьыкIэхэм хэхъоныгъэхэр ашIынхэм ыкIи патриотизмагъэ ахэлъхьэгъэным афэIорышIэщт гъэтэрэзыжьынэу УФ-м и Конституцие фашIыгъэхэм сымакъэ афэстыгъ. Тарихъыр зытетым тетэу къэIотэжьы­гъэным, Хэгъэгум къырыкIуагъэм изэгъэшIэн нахьыбэу къыткIэхъухьэ­хэрэр хэщэгъэнхэм мэхьэнэ ин иI. ТикIэлакIэхэм Родинэм ыпашъхьэ пшъэрылъэу щыряIэр агъэцэкIэныр, дзэм къулыкъу щахьыныр шIокI зимыIэ Iофэу щыт. Ащ пае Хэгъэгум итарихъ ашIэн, гушхуагъэ ахэлъын, псауныгъэ пытэ яIэн фае, — къыIуагъ Барцо Тимур.

Я 151-рэ хэдзыпIэ участкэм ащ ымакъэ щитыгъ. Зыпари хэукъоныгъэ зэрэщамышIырэри къыкIигъэтхъыгъ. Iофхэм язытет зыщигъэгъозэнэу ар нэмыкI муниципальнэ образованиехэми ащыIагъ, мэкъэтынхэм алъыплъэу хэ­дзыпIэ участкэхэм ащыIэхэм яIофшIакIэ зэригъэлъэгъуъ.