Урысые политическэ партиеу «Единая Россия» зыфиIорэм Джэджэ районымкIэ икъутамэ иисполком ипащэу ТхьэицIыф Геннадий станицэу Джаджэм ихэдзыпIэ участкэхэм ащыщ ымакъэ щитыгъ.

— Непэ фэдэу мэхьэнэшхоу иIэмкIэ тарихъым къыхэнэжьыщт мафэм зыныбжь нэсыгъэ пэпчъ хэдзыпIэ участкэм екIолIэнышъ ымакъэ ытыныр шIокI зимыIэ Iофэу сэлъытэ. Тымакъэ зыттыкIэ тикъэралыгъо инеущырэ мафэ зыфэдэщтым тиIахь хэтэлъхьэ. Зыпкъитыныгъэ тиIэным, хэхъоныгъэ­хэр тшIынхэм, тинеущырэ мафэ тицыхьэ телъыным сымакъэ фэстыгъ, — къыIуагъ ащ.