ПенсиехэмкIэ шIокI зимыIэ страхованием фэгъэхьыгъэ федеральнэ хэбзэгъэуцугъэм зэхъокIыныгъэу фашIыгъэхэм къызэращыдэлъытагъэм тетэу, зыныбжь имыкъугъэм лъыплъэнэу зыштэгъэ пенсионерхэм япенсиехэр индексацие шIыгъэхэу бэдзэогъум и 1-м къыщыублагъэу къафэкIощт.

Джы зэрэщытымкIэ, ащ фэдэу зыныбжь имыкъугъэм лъыплъэ­рэ пенсионерыр шIокI зимыIэ пенсионнэ страхованием къыхеубытэ. Арышъ, ащ фэдэхэм апае страхованиемкIэ взносхэр фондым къыфэкIох. Зыныбжь имыкъугъэм зэрэлъыплъэщт пIалъэу законым къафигъэнэфагъэр заухыкIэ, страхованиемкIэ пенсиер, индексациехэри къыдэлъытагъэхэу, къафэкIонэу регъажьэ.

Ахэм лъэIу тхылъхэр амытыхэу къызхэхъогъэ пенсиер къафэкIоным фэшI УФ-м ПенсиехэмкIэ ифонд и Къутамэу АР-м щыIэм испециалистхэр тхылъхэм ягъэхьазырын ыуж итых, бэдзэогъум и 1-м къы­щыублагъэу атIупщынхэу рагъэ­жьэщт.

АдыгеимкIэ мы купым ха­хьэрэ пенсионерэу индексациер зынэсыщтыр нэбгырэ 66-рэ мэхъу.

УФ-м ПенсиехэмкIэ ифонд и Къутамэу АР-м щыIэм ипресс-къулыкъу.