Адыгэ Республикэм и Къэралыгъо Совет – Хасэм ия 52-рэ зэхэсыгъо 2020-рэ илъэсым мэкъуогъум и 25-м щыIэщт, видеоконференцие шIыкIэм тетэу ар зэ­хащэщт.

Зэхэсыгъом зыщахэплъэщтхэм мыщ къыкIэлъыкIорэ Iофыгъохэр ахагъэхьагъэх: законопроектхэу «Адыгэ Республикэм изаконхэу «Адыгэ Республикэм и Конституционнэ Хьыкум ехьылIагъ», «Адыгэ Республикэм щыпсэухэрэмрэ ичIыгурэ чIыопс, техногеннэ нэшанэ зиIэ ошIэ-дэмышIэ тхьамыкIагъохэм ащыухъумэгъэнхэм ехьылIагъ» зыфиIохэрэм зэхъокIыныгъэхэр афэшIыгъэнхэм афэгъэхьыгъэхэм» ятIонэрэу ахэплъэгъэныр; законопроектхэу «2019-рэ илъэсым Адыгэ Республикэм шIокI зимыIэ медицинэ страхованиемкIэ и ЧIыпIэ фонд ибюджет зэрагъэцэкIагъэм ехьылIагъ», «ЧIыпIэ зыгъэIорышIэжьынымкIэ къулыкъухэм зыми имые псэушъхьэхэм зэрадэзекIощтхэм япхыгъэ Iофтхьабзэхэм язехьанкIэ Адыгэ Республикэм икъэралыгъо полномочиехэр афэгъэзэгъэнхэм ехьылIагъ» зыфиIохэрэм апэрэу ахэплъэгъэныр; Адыгэ Республикэм изаконхэу «Адыгэ Республикэм и ЛIышъхьэ зэрэзэкIащэжьырэ шIыкIэм ехьылIагъ», «Административнэ хэбзэукъоныгъэхэм яхьылIагъ», «Адыгэ Республикэм и Къэралыгъо Совет – Хасэм идепутат истатус ехьылIагъ», «Жьыр амыушIоиным пае правэм ылъэныкъокIэ зэфыщытыкIэ заулэ гъэтэрэзыгъэным ехьылIагъ», «Адыгэ Республикэм икъэралыгъо учреждениехэм яIофышIэхэм ащыщхэм социальнэ IэпыIэгъу ягъэгъотыгъэным ехьылIагъ», «Псы IофхэмкIэ, чIычIэгъ байныгъэхэм ягъэфедэн епхыгъэ зэфыщытыкIэхэр гъэтэрэзыгъэнхэмкIэ Адыгэ Республикэм икъэралыгъо хэбзэ къулыкъухэм яполномочиехэр зэтеушъхьафыкIыгъэнхэм ехьылIагъ» зыфиIохэрэм зэхъо­кIыныгъэхэр афэшIыгъэнхэм афэгъэхьыгъэхэр» ыкIи нэмыкI Iофыгъохэр.

Зэхэсыгъор сыхьатыр 10.00-м рагъэжьэщт.

Адыгэ Республикэм и Къэралыгъо Совет — Хасэм и Тхьаматэу Владимир Нарожный