БзэджэшIагъэ зезыхьа­гъэхэм пшъэдэкIыжь ягъэхьыгъэнымкIэ федеральнэ къулы­къум и ГъэIорышIапIэу Адыгеим щыIэм иуч­реждениехэм ачIэсхэм амакъэ зэра­тыщтым фэгъэ­хьыгъэ IофшIэгъу зэхэсыгъо АР-м хэдзынхэмкIэ и Гупчэ комиссие зэхищагъ.

АР-м хэдзынхэмкIэ и Гупчэ комиссие итхьаматэ игуадзэу Елена Майоррэ цIыфхэм яфитыныгъэхэр къэухъумэ­гъэнхэмкIэ ГъэIорышIапIэм ипащэ иIэпыIэгъоу, подполковникэу Нарт Аскэррэ УФ-м и Конституцие зэхъокIыны­гъэу фашIыщтхэм епхыгъэу бзэджэшIагъэ зезыхьагъэхэм амакъэ зэратыщт шIыкIэм тегущыIагъэх. Мыщ фэдэ фитыныгъэ зиIэ нэбгырэ 200-м ехъу хэ­дзынхэм ахэлэжьэнхэ алъэ­кIыщт.

— Хэбзэгъэуцугъэу щыIэм диштэу Теуцожь районым ыкIи къалэу Мыекъуапэ адэт мыщ фэдэ учреждениехэм хэдзын комиссиехэм ахэтхэр кIощтых, цIыфхэм амакъэ атыным фэ­IорышIэщт IофшIэныр ащызэхащэщт, — къыщаIуагъ бзэ­джэшIагъэ зезыхьагъэхэм пшъэдэкIыжь ягъэхьыгъэнымкIэ федеральнэ къулыкъум и ГъэIорышIапIэу Адыгеим щыIэм ипресс-къулыкъу.

(Тикорр.).