Мылъкум епхыгъэ бзэджэшIагъэу зэрахьэхэрэм анахьы­бэр автомобильхэм зэрятыгъохэрэр арых.

НахьыбэрэмкIэ аты­гъу­хэрэр магнитолэр, видеорегистраторыр, ахъща­лъэр, телефонхэр ыкIи уасэ зиIэ нэмыкI хьап-­щыпхэр арых. Мыхэм анэмыкIэу гъэстыныпхъэри атыгъоу бэрэ къыхэкIы.

ЖъоныгъуакIэм автомобилым етыгъуагъэхэу Джэджэ районым хъугъэ-шIэгъитIу щагъэунэ­фыгъ. Зэтыгъогъэхэ хьы­лъэзещэ машинэхэм яводителитIуми полицейскэ­хэм къазэрафаIотагъэмкIэ, пчъэIупэм Iутыгъэ ямашинэхэм гъэстыныпхъэ литрэ 600-м ехъу аращыгъ.

Мы бзэджэшIагъэр зэрихьагъэу егуцафэхэу бэмышIэу мы районым щыпсэурэ илъэс 22-рэ зыныбжь кIалэр къаубытыгъ. ЗэрагъэунэфыгъэмкIэ, мафэрэ ар хьылъэ­зещэ машинэхэм алъыплъэщтыгъэ, чэщым гъэстыныпхъэр аригъэчъызэ, иавтомобилымкIэ Iуищыщтыгъэ.

Мы лъэныкъомкIэ кIа­лэм уголовнэ Iоф къыфызэIуахыгъ. Мы уахътэм ащ лажьэ иIэмэ агъэунэфы.