Ведомствэм изэфэхьысыжьхэм къызэрагъэлъагъорэмкIэ, гъэмэфэ лъэхъаным нахьыбэу псэупIэхэм ятыгъох. Бысымхэр зыщимысхэм тырагъафэшъ, бзэджашIэхэр унэхэм арэхьэх, бзэджэшIагъэхэр зэрахьэх.

Зэфэхьысыжьхэм къызэрагъэлъагъорэмкIэ, бзэ­джашIэхэм нахьыбэу атыгъурэр ахъщэр, уасэ зиIэ хьап-щыпхэр ыкIи унагъом щагъэфедэрэ техникэр арых.

АР-м хэгъэгу кIоцI Iоф­хэмкIэ и Министерствэ гъэмафэм япсэупIэ къэзыбгынэнэу щытхэм за­къыфегъазэ шапхъэу щы­Iэхэр агъэцэкIэнхэу.

IункIыбзэр къэгъотыгъошIоу бгъэтIылъы ыкIи къафакIохэрэр почтовэ ящикхэм ащызэтебгъа­хъохэ хъущтхэп. Бэхэм пхъэ шъхьаныгъупчъэхэр бжъэм хэшIыкIыгъэхэмкIэ зэблахъух. Бысымхэм зэралъытэрэмкIэ, бжъэм хэшIыкIыгъэмкIэ бзэджашIэр къимыхьэ­шъунэу ары. Арэу щытми, жьы къихьанэу шъхьаныгъупчъэр тIэкIу нэмы­Iэми Iухыгъэ хъумэ, бзэ­джа­шIэм къины къыщымыхъоу ар къыIуегъэпкIышъ унэм ехьэ.

Полицием шъугу къе­гъэкIыжьы, шъуимылъку къызэтежъугъэнэным фэшI ар къэзыгъэгъунэрэ ор­ганизацием зыфэжъугъэзэн ыкIи шъузыгъэгъозэрэ мэкъэгъэIур псэупIэм хэжъугъэуцон шъулъэ­кIыщт.