«Волонтеры Конституции» зыфиIорэ ныбжьыкIэ корпусым акциеу «Ленточка – триколор» зэхищагъ.

Iофтхьабзэм пшъэрылъ шъхьаIэу иIэр къэралыгъом щыпсэурэ лъэпкъхэм азыфагу зыкIыныгъэ зэрилъыр къагъэлъэгъоныр ары. Урысыем и Мафэ фэгъэхьыгъэу мыщ фэдэ кусэ мини 8,5-рэ агощыгъ. Ахэр къэралыгъом ибыракъ ышъо фэдэу шIыгъэх.

Адыгеим имуниципалитетхэр зэкIэ акцием хэлэжьагъэх. Район пэпчъ хэушъхьафыкIыгъэ чIыпIэхэр ыгъэнэфагъэх. Тучан Iупэхэм, нэмыкI общественнэ чIыпIэхэм кусэхэр ащагощыгъэх. ЦIыфхэм ящынэгъончъагъэрэ япсауныгъэрэ къэухъумэгъэнхэр зыщагъэгъупшагъэп. Зэпэчыжьэхэу къакIухьагъ, санитарнэ шапхъэхэри агъэцэкIагъэх.

Гъонэжьыкъо Сэтэнай.