Урысые дзэ-тарихъ обществэмрэ кинофотодокументхэм я Къэралыгъо архиврэ зэгъусэхэу къагъэлъагъо проектэу «Образ войны» зыфиIорэр. Хэгъэгу зэошхом ТекIоныгъэр къызыдахыгъэр илъэс 75-рэ зэрэхъугъэм ар фэгъэхьыгъ ыкIи тидзэкIолIхэм лIыхъужъныгъэу зэрахьагъэр къыреIотыкIы. Фронтым Iутыгъэ зэлъашIэрэ сурэттеххэм, нэмыкIхэм яIофшIагъэхэр проектым къыщыгъэлъэгъуагъэх. Непэрэ мафэм ехъулIэу ащ иэлектроннэ базэ сурэт мини 2-м ехъу рагъэхьагъ. Материалхэм нэIуасэ зафэшъушIын ыкIи Iофтхьабзэм шъухэлэжьэн шъулъэкIыщт сайтэу «образывойны.рф» зыфиIорэм шъузихьэкIэ. (Тикорр.).