Къолъхьэ тын-Iыхыным пэшIуекIогъэным фытегъэпсыхьэгъэ социальнэ рекламэм и Дунэе ныбжьыкIэ зэнэкъокъоу «Вместе против коррупции!» зыфиIорэм мы илъэсым икIэщакIор Урысые Федерацием и Прокуратур ары. Къолъхьэ тын-Iыхыным пэшIуекIогъэныр, мы Iофыгъом цIыфхэм анаIэ тырадзэныр, хэбзэгъэуцугъэр амыукъоным лъыплъэгъэныр — джары зэнэкъокъум пшъэрылъ шъхьаIэу иIэр. 2020-рэ илъэсым жъоныгъуакIэм и 1-м щегъэжьагъэу чъэпыогъум и 1-м нэс зэхэщакIохэм IофшIэнхэр аштэщтых. Ахэр зыдэжъугъэхьын шъулъэкIыщтыр зэнэкъокъум иофициальнэ сайтэу htt://www.anticorruption.life/» зыфиIорэр ары. Зэнэкъокъур лъэныкъуитIоу зэтеутыгъ: «Плакат анахь дэгъу» ыкIи «Видеоролик анахь дэгъу». Илъэс 14-м щегъэжьагъэу 35-м нэс зыныбжь ныбжьыкIэхэр мыщ хэлэжьэнхэу къырагъэблагъэх. Къолъхьэ тын-Iыхыным пэшIуекIогъэным и Дунэе мафэ (тыгъэгъазэм и 9-м) зыщыхагъэунэфыкIырэм ехъулIэу текIоныгъэр къыдэзыхыгъэхэм афэгушIонхэу агъэнафэ. КIарэ Фатим.