ЧIыпIэ зыгъэIорышIэжьын къулыкъум ипащэщтыгъэм  иIэнатIэ къызфигъэфеди бзэджэшIагъэ зэрэзэрихьагъэм уголовнэ Iоф къыкIэлъыкIуагъ.

Мыекъопэ район прокуратурэм ышIыгъэ уплъэкIунхэм къызэрагъэлъэгъуагъэмкIэ, муниципальнэ образованиеу «Кировскэ къоджэ псэупIэм» ипащэщтыгъэм муниципалитетым имылъку, амыгъэкощырэ псэупIэр, хэбзэнчъэу къызыIэкIигъэхьагъ.

ЗэрагъэунэфыгъэмкIэ, 2019-рэ илъэсым Iоныгъом IэнатIэм Iут пащэм  чIыпIэ зыгъэIорышIэжьыным илIыкIо къулыкъу ишIэ хэмылъэу ежь  иунашъокIэ,  муниципальнэ псэуалъэр къызIэкIигъэхьаным фэшI, щэфын-щэжьын зэзэгъыныгъэ ышIыгъ, чIыгу Iахьыр ыкIи амыгъэфедэрэ псэуалъэр хэбзэнчъэу къызIэкIигъэхьагъэх.

Прокуратурэм ышIыгъэ уплъэкIунхэм къапкъырыкIыхэзэ (къоджэ псэупIэ администрацием ипащэ иIэнатIэ къызэрэзфигъэфедагъэм фэшI) уголовнэ Iоф къызэIуахыгъ.  Мы мафэхэм уплъэкIунхэр лъагъэкIуатэх.

(Тикорр.).