Черкес шыу полкым ежь-ежьырэу хэхьанхэшъ, заом кIонхэу фэягъэхэм 1914-рэ илъэсым ишышъхьэIу мазэ къыщегъэжьагъэу лъэIу тхылъхэу атхыгъагъэхэр чылэхэм яIагъэхэ тхьаматэхэм Пшызэ хэкум иатаман фагъэхьыщтыгъэх.

Кавказ армием иглавнокомандующэу генерал-адъютантэу графэу Илларион Воронцов-Дашковым ыгъэунэфыгъагъ Черкес полкым хэхьагъэхэм къулыкъу шъуашэу зыщалъэщтыр: цыемрэ ыкIи адыгэ паIомрэ ежьашъохэу, къэптаныр (бешметыр) шIуцIэу, тэмэтелъхэр плъыжьхэу.

1914-рэ илъэсым иIоныгъо мазэ Черкес шыу полкэу зэхащагъэр Екатеринодарскэ отделым иатаманэу полковникэу Камянскэм къалэу Екатеринодар щиуплъэкIугъагъ. Гъэзетэу «Кавказ» а хъугъэ-шIагъэм ехьылIагъэу мырэущтэу къытхыгъагъ: «Атаман отдела поздравил черкесов за бравый и боевой вид. Черкесы дружно отвечали «Берекет берсин». Все черкесы приведены муллой-кадием к присяге и отслужили молебен о даровании победы русскому воинству».

ТхьэлъэIу ужым полкыр ращажьи, Iоныгъом и 13-м ехъулIэу къалэу Ермэлхьаблэ пэмычыжьэу псыхъоу Уарп инэпкъ дзэ уцупIэу щагъэхьазырыгъэм ащагъ. А чIыпIэм къулыкъушIэхэр дэгъоу щагъэхьазырыгъэх зэошхом Iухьанхэ алъэкIынэу: агъэсагъэх офицерымэ яунашъохэр агъэцэкIэнхэу, лъэсэу е шыоу зэонхэ алъэкIынэу. Iоныгъом и 28-м поручикэу Тупаловым заом тегъэпсыхьэгъэ Iашэр къалэу Лэбапэ къырещышъ, полкым икъулыкъушIэмэ къареты.

1914-рэ илъэсым Iоныгъом и 30-м Черкес шыу полкым ефэндэу фашIы къуаджэу Адэмые щыщэу Набэкъо Мышъэост Джамболэт ыкъор. Ащ ехьылIагъэу Н. Н. Брешко-Брешковскэм мырэущтэу ытхыгъагъ: «В каждом полку дивизии свой мулла-священник. В Черкесском полку мулла ученый, побывавший в Мекке. Его папаха обернута белым. Каждый мулла находится на позициях со своим полком и, как у всех, у него винтовка, кинжал и шашка».

Дивизиер зэрагъэхьазырыгъэр икъункIэ алъыти, чъэпыогъум ыгузэгум мэшIокукIэ Каменец-Подольскэ губернием ит къалэу Проскуров ащэ (къалэу Хмельницкий). Ащ ыужыпкъэм Къыблэ-КъохьэпIэ фронтым агъакIошъ, яенэрэ армиеу генералэу Брусилов Александр Александр ыкъор зиIэшъхьэтетым хагъахьэ.

Дивизиер апэрэ заом зэрэхэлэжьагъэр А. Д. Вершигора мырэущтэу къытхыгъагъ: «Местность, где приняли первое боевое крещение — это верхнее течение притока Вислы реки Сан и самых верховий Днестра». А чIыпIэм, 1914-рэ илъэсым тыгъэгъазэм и 5-м щегъэжьагъэу, Черкес шыу полкыр мэзитIо пхъашэу щызэуагъ. Апэрэ заохэр зырагъажьэхэм дивизием икомандир къытхыгъагъ: «…Когда всадники добирались до врага, они вели себя с храбростью, ожидаемой от мужчин, которые получали удовольствие от битвы, неважно в пешем они строю или конном».

Апэрэ заохэм, лIыгъэшхо къызыхагъафэзэ псэемыблэжьыхэу пыим езэуагъэхэу, Тэхъутэмыкъое районым икIыгъагъэмэ ащыщхэм бгъэхалъхьэхэу Георгиевскэ къащэу я 4-рэ шъуашэ зиIэр къаратыгъагъ: младшэ урядникэу КIэрмыт Сэфэрбый (N 112808), шыоу Хъуажъ Къадыр (N 214307), младшэ урядникэу Хьатх Хьаджымосэ (N 183982), шыоу Жанэ Хьасанэ (N 183994), шыоу Хьагъур Мосэ (N 325653), шыоу КIэрмыт ГъучIыпс (N 325657), шыоу Бжыхьакъо Алджэрые (N 325661).

Гъэзетэу «Новое время» зыфиIорэм икорреспондентэу О. Л. Опрышко иочеркэу «Кавказцы» зыфиIорэм къыригъэхьэгъагъ тилIыхъужъхэр Цу-Бабино дэжь зэрэщызэуагъэхэр: «Ясным и солнечным утром сотни в полной боевой готовности двинулись вперед и лавой стали переправляться через первую речку из трех. Переправа через первую речку удалась. Но уже при переправе через вторую речку неприятель открыл по сотням бешенный огонь и в результате переправа далась очень тяжело, так как огонь орудий, пулеметов и винтовок противника достиг высшего напряжения. Над головами рвалась шрапнель, неслись пули, лошади нервничали. Первые цепи спешенных всадников Черкесского и Ингушского полков устремились вперед, увлекая за собой всю остальную массу полка. С криком «Алла! Алла!», заглушавшим временами звуки канонады, сотни перескочили холм и понеслись вперед идя, как казалось, на верную гибель. Сдерживать всадников не было никакой возможности. Австрийцы дрогнули и заметались. Не выдержав натиска Черкесского и Ингушского полков противник в панике отступил: убитыми у противника насчитали 370 человек, 130 их них оказались со смертельными кинжальными ранами». ТекIоныгъэр а заом къыщыдэхыгъэным пхъашэу хэлэжьагъ прапорщикэу Бжыхьакъор зиIэшъхьэтет сотняр.

О. Л. Опрышко гъэзетэу «Новое время» къыригъэхьэгъагъ: «Для выяснения количества оставшихся в городе Станиславове австрийцев были посланы два конных разъезда горцев. Видимо австрийцы заметили их, но ничем не выдали своего присутствия, подпустили их к самому городу. Горцы предположили, что город совсем оставлен неприятелем, спокойно вошли в него. Здесь их встретили залпами с разных сторон. Вместо того, чтобы отступить, горячие кавказцы прибегли к своему необычному оружию и на улицах закипел кинжальный бой. Австрийцев обуял страх при виде горцев, но и на этот раз горцы победили, не потеряв ни одного человека, кроме нескольких раненых».

Кавказскэ туземнэ шыу дивизиер, урысые къулыкъум ипэщабэмэ ашIошъ мыхъузэ, Урысыем идзэ анахь пхъашэхэу дивизием хэтыгъэхэм ащыщ хъугъагъэ. Мэзаем и 12-м 1916-рэ илъэсым генерал-майорэу Гагариныр къафэгушIогъагъ дивизием хэтыгъэ полкымэ — урысыем ипачъыхьэ быракъы- хэр къызэраритыгъэмкIэ.

Кандор Р. С. къыгъэлъэгъуагъ: «Несомненно, командовать таким уникальным для Русской армии воинским формированием, как Черкесский конный полк, было необычайно сложно и почетно. Значительную роль при этом играл авторитет командира — офицера. Важен был личный пример в бою, уважение и почтительность к подчиненным, верность воинскому долгу и своему слову — все то, что всегда ценилось на Кавказе. И то обстоятельство, что в течение первых двух лет офицерский состав в Черкесском конном полку оставался практически неизменным, способствовал его успешной боевой жизни. Офицеры прекрасно знали своих подчиненных, их боевые качества. В каждой сотне из урядников и всадников, находившихся в сражениях с противником в течение этих лет, образовалось спаянное боевое братство — мощная влиятельная военная сила».

Офицерхэу, апэрэу дивизием къакIохэрэмэ агъэшIагъощтыгъэ ыкIи ашIогъэшIэгъоныгъ Кавказым икIыгъэхэ шыухэр денщикхэу, шоферхэу е зэоным емыхьылIэгъэ Iофтхьабзэхэр зэрахьанхэу зэрэмыкIощтыгъэхэр. ЗэолIхэм а Iофым пае аIощтыгъэ: «Тэр-тэрэу заом тыхэлэжьэнэу тыкъэкIуагъэ нахь, зыгорэм ищазмэхэр тлъэкIынхэу арэп. Заом тыхэмылажьэу тадэжь тыкIожьымэ, тишъузхэм мыскъарэ ташIэу тыщыIэнэу тыфаеп».

Кавказ армием иглавнокомандующэу генерал-адъютантэу графэу Илларион Воронцов-Дашковым Кавказскэ туземнэ шыу дивизием офицерыкIэхэу къэкIощтхэр ежь-ежьырэу ыгъэнафэхэти, апэрапшIэ еджакIо ыгъакIохэзэ ыгъэхьазырыщтыгъэх. Черкес шыу полкыр цIэрыIо зэхъум, ащ ухагъэхьаныр псынкIэгъуагъэп, хахьэхэмэ ашIоигъоу офицерыбэмэ лъэIу тхылъхэр къатхыщтыгъэх, ау зэкIэри аштэщтыгъэп.

Черкес шыу полкым иIэшъхьэтетэу, пщэу, подполковникэу Чавчавадзе Александр Захар ыкъор ежь ышъхьэкIэ адэгущыIэщтыгъэ къэкIогъакIэхэ офицерхэм. АпэрапшIэу къэкIогъакIэр щигъэгъуазэщтыгъэ полкым хабзэу щызэрахьэхэмрэ Iофтхьабзэхэу егъашIи пшIэ мыхъущтхэмрэ.

КъэкIогъакIэ офицерхэм Чавчавадзэ А. З. ариIощтыгъэ: «Ты полюбишь наших людей, но помни, офицер Кавказской дивизии не может совершать ни одну из следующих трех вещей — бить всадника, непристойно ругаться на всадника и ни в коем случае не показывать всаднику свой страх».

Шыу сотнеу Къылыщ СултIан-Джэрые зиIэшъхьэтетыгъэм хафэщтыгъэхэм лъэшэу ягуапэ хъущтыгъэ: а сотняр анахь цIэрыIомэ ащыщыгъ. Апэрэ мафэу полкым зыхэфагъэм къыщегъэжьагъэу СултIан-Джэрые ады- гэлI шъыпкъэу, зэокIо бэлахьэу, исотня хэтыгъэхэ шыухэр зэоным фэIэпэIасэхэу ыгъэсагъэхэу, дивизием ианахь офицер дэгъумэ ащыщэу хъугъагъэ.

 Барцо Адам.

Сурэтым итхэр: Черкес  шыу полкым ия 2-рэ сотня иофицерхэмрэ ишыухэмрэ.

Гузэгум исхэм ащыщхэр сэмэгумкIэ укъикIэу джабгъумкIэ укIозэ: я 2-рэ сотням иштабс-ротмистрэу Къылыщ СултIан-Джэрый, ащ къыгосыр полкым ихьаджэу Набэкъо Мышъэост (сарыкъ фыжь зыщыгъыр), черкес шыу полкым икомандующэу Александр Захарьевич Чавчавадзе. (Каменец-Подольскэ губернием икъалэу Проскуров, чъэпыогъу-шэкIогъу мазэхэр, 1914-рэ илъэс.)