Росгвардием и ГъэIорышIапIэу АР-м щыIэм иIофышIэхэмрэ дзэм къулыкъу щызыхьыхэрэмрэ Урысые акциеу «Тхьауе­гъэпсэу, доктор» зыфиIорэм хэлэжьагъэх. Пандемием пэуцужьырэ медикхэм зэрафэразэхэр IофтхьабзэмкIэ къагъэлъэгъуагъ.

— Непэрэ гумэкIыгъоу къэуцугъэм идэгъэзыжьын медицинэм иIофышIэхэм амалэу яIэр зэкIэ рахьылIэ. Тэ тимызакъоу, республикэм щыпсэухэрэм зэкIэми ацIэкIэ ахэм тирэзэныгъэ гущыIэхэр апэтэгъохых, — къыIуагъ Росгвардием АдыгеимкIэ и ГъэIорышIапIэ къулыкъушIэхэм Iоф адэшIэгъэнымкIэ икуп ипащэу, подполковникэу Вячеслав Ташбаевым. (Тикорр.).