ХэбзэухъумэкIо къулыкъухэм предпринимательхэм алъэныкъокIэ хэбзэнчъэ зекIуакIэу зэрахьэхэрэм апэшIуекIогъэным фытегъэпсы­хьэгъэ цифрэ платформэм Iоф ешIэ. АНО-у «Агентство стратегических инициатив по продвижению новых проектов» зыфиIорэм Урысыем экономикэ хэхъоныгъэмкIэ и Министерствэ, Урысыем цифровой хэхъоны­гъэхэмкIэ, зэпхыныгъэмкIэ ыкIи коммуникацие жъугъэмкIэ и Министерствэ, Урысыем хэ­гъэгу кIоцI IофхэмкIэ и Министерствэ, Урысыем щынэгъончъэнымкIэ и Федеральнэ къулыкъу, УФ-м и Генеральнэ прокуратурэ, УФ-м и Следственнэ комитет игъусэхэу, джащ фэдэу предпринимательхэм я Урысые объединение къыхэлажьэзэ, предпринимательхэм алъэны­къо­кIэ хэбзэухъумэкIо къулыкъу­хэм хэбзэнчъэ зекIуакIэу зэ­рахьэ­хэрэм апэшIуекIогъэным пае цифрэ платформэ агъэ­псыгъ. Бизнесым зэрилъытэрэмкIэ, даохэм якъэугъоин ыкIи язэхэфын ар фэIорышIэщт ыкIи мыщ фэдэ пшъэрылъхэр къыдыхэ­лъытагъэх: а) бизнесым ылъэныкъокIэ щыIэ административнэ пэрыо­хъур нахь макIэ шIыгъэныр; б) предприниматель IофшIэным пылъхэм яхэбзэшIоигъоныгъэхэр къэухъумэгъэнхэр; в) хэбзэухъумэкIо къулыкъу­шIэхэм яIофшIэн зэIухыгъэу щытыныр; г) бизнесымрэ хабзэмрэ зэкъотхэу шIуагъэ къэзытырэ зэдэгущыIэгъухэр зэдашIынхэр. КIАРЭ Фатим