Мыекъуапэ ирайонэу «МэздахэкIэ» заджэхэрэр гъэпсэфыпIэ чIыпIэу къалэм иIэхэм зэу ащыщ. Ащ фэшI «ЭкоЦентрэм» иIофшIэн зырегъажьэм ащ хэкIитэкъупIэ площадкэ щигъэпси, контейнериплI щигъэуцугъэу мафэ къэс ахэм пыдзафэу аратэкъуагъэр Iуещы.

Джырэблагъэ зыгорэм кубометрэ 30 фэдиз хъунэу автомобилым къыпыкIыгъэ пыдза­фэхэр мы чIыпIэм щыритэ­къугъэх. Ар зышIагъэр региональнэ операторым хэкIыр зэрэIуищыщтым фэгъэхьыгъэ зэзэгъыныгъэ дэзымышIыгъэ е хэкIэу къыдищырэр зыфэдиз шъыпкъэр зыушъэфыгъэ предпринимателэу законыр зыу­къохэрэм ащыщэу тегуцафэ.

— ХэкIыр имычIыпIэ щиптэ­къумэ административнэ пшъэ­дэкIыжь зэрэпхьыщтыр юридическэ лицэхэмрэ предпринимательхэмрэ къагурыIон фае. Зэзэгъыныгъэм укIатхэмэ ары тазырыр зымытыщтыр, — къы­Iуагъ ООО-у «ЭкоЦентрэм» и Адыгэ шъолъыр къутамэ ипащэу Алыбэрд Налбый иеплъыкIэ къыриIотыкIызэ.

ООО-у «ЭкоЦентрэм» и Адыгэ шъолъыр къутамэ ипресс-къулыкъу.