ЩынэгъончъэнымкIэ Федеральнэ къулыкъум и ГъэIорышIапIэу АР-м щыIэм къытыгъэ ма­териалхэм къапкъырыкIызэ УФ-м След­ст­вие­хэмкIэ и Комитет следствиехэмкIэ и Гъэ­Iо­рышIапIэу АР-м щыIэм район сымэ­джэщхэм ащыщ иврач шъхьаIэ пай уголовнэ Iоф къы­зэIуихыгъ ыкIи зэхифыгъ. Ар къуалъхьэ къаIихыгъэу агъэмысэ (УФ-м и Уголовнэ кодекс ия 290-рэ статья ия 3-рэ Iахь).

ЗэрагъэунэфыгъэмкIэ, ар 2018 — 2019-рэ илъэсхэм, сы­мэ­джэщым иврач шъхьэIэ Iэ­на­тIэ Iутызэ, медицинэм щагъэфе­дэрэ пкъыгъохэр оптэ шIыкIэм тетэу IузгъэкIырэ предприятие­хэм ащыщ сомэ мин 82-рэ къуалъхьэу къыIихыгъ. Сымэджэщым ищыкIагъэхэр къезгъэуа­лIэрэ нэмыкI хъызмэтшIапIэхэм анахьыбэу мыщ фитыныгъэ ыкIи амал иIэныр ары ащ имэхьэнагъэр.

Уголовнэ Iофым хьыкумыр хэплъэнэу агъэхьыгъ. Врач шъхьэIагъэр зэрагъэмысэрэ статьям илъэси 3-м къыще­гъэжьагъэу 8-м нэс хьапс тыралъхьанэу, къаIихыгъэм фэдэ тIокIитIу хъурэ тазыр рагъэты­нэу, илъэситфым IэнэтIэ гъэнэфагъэхэм аIутын фимытынэу къыщыдэлъытагъ.

ХЪУТ Нэфсэт.