АР-м и Къэралыгъо автоинспекцие икъулыкъушIэхэм му­ниципальнэ учреждениеу «Благоустройство» зыфи­Iо­рэм илIыкIохэр ыкIи гъогухэр зыгъэцэкIэжьыхэрэ ор­ганизациехэр игъусэхэу 2020-рэ илъэсым телъытэгъэ лъэпкъ проектэу «Щынэгъончъэ ыкIи шэпхъэшIухэм ади­штэрэ автомобиль гъогухэр» зыфиIорэм хахьэу гъогу участкэхэм язытет ауплъэкIугъэх.

ХэушъхьафыкIыгъэ пкъы­гъохэр агъэфедэхэзэ зэхэщакIохэм гъогу та­мыгъэхэр, гъэтхъыгъэхэр, гъогу напцэхэр ауплъэ­­кIугъэх, джащ фэдэу гъогурыкIоныр щынэгъончъэнымкIэ лъэс­рыкIо гъогу­хэр шапхъэхэм аде­штэхэмэ зэра­гъэлъэгъугъ. Сэкъатныгъэ зиIэхэм зы­пари пэ­рыохъу афэмы­хъоу зекIонхэм анахьэу анаIэ тырагъэтыгъ.

Адыгеим и Къэралыгъо автоинспекцие водительхэм ыкIи лъэсрыкIохэм закъыфегъазэ сакъыныгъэ къызхагъэфэнэу, гъогум изытет закъоп щы­нэгъончъэныр зэпхыгъэр, цIыф пэпчъ икультури ар фэ­гъэхьыгъ.

КIАРЭ Фатим.