Мэкъуогъум и 12-м, Урысыем и Ма­фэ ­тефэу, мотопа­ра-план­хэмкIэ зекIор аублэщт. Ащ изэхэщакIор Игорь Потап­киныр — Адыгеим щыщ, тIогъо­гогъо дунаим ичемпион, Урысыем иавиацие псынкIэ ифеде­рацие ивице-президент, Урыс гео­графическэ обществэм и Адыгэ шъолъыр отделение хэт. Проектым къыдыхэлъытагъэу, Хэгъэгу зэошхом ТекIоныгъэр къызэрэщыдахыгъэм ыцIэкIэ георгиевскэ кIэпсэ­жъыеу метрэ 75-рэ хъурэр зэ­рэкъэралыгъоу щагъэбыбыщт, ащ кIыгъоу шъолъыр 23-м ашъхьагъ Урысые Федерацием и Къэралыгъо быракъ къащарахьэкIыщт. Проектэу «Перелет-2020» зыфиIорэм икIыхьагъэ ыкIи игъогу анахь инхэм ахалъытэщт. МотопланеризмэмкIэ кубокыр зиIэхэм ыкIи чемпионхэм Санкт-­Петербург къыщегъэжьагъэу Владивосток нэс километрэ 9700-рэ къабыбыхьащт. Къэлэшхохэм ащыщхэм къащыуцухэзэ, камернэ Iофтхьабзэхэр ащызэхащэщтых. — Тхьапша тызэрэбыбыщтыр? Гъэнэфагъэп. Ом изытет тепхыгъ (жьыбгъэр, ощхыр, ошъуапщэр). Быбын чыжьэм мы уахътэ зыфэтэгъэхьазыры, — къаIуагъ проектым изэхэщакIохэм. Iэшъынэ Сусан.