Мыекъуапэ щыпсэухэрэр жъоныгъуакIэм и 30-м мэкъумэщ ер­мэ­лы­­къэу щыIэщтым хэлэжьэнхэ амал яI. Ау коронавирусым зимыу­шъомбгъуным пае санитарнэ шапхъэхэр зэкIэ агъэцэкIэнхэу цIыфхэм зафагъазэ.

ЩэпIэ чIыпIэхэр Юннатхэм яурам (Адыгэ республикэ ипподромым) сыхьатыр 7.00 — 12.00-м къыщызэIуахыщтых.

Пхъэшъхьэ-мышъхьэхэр, хэтэ­рыкIхэр, нэшэ-хъырбыдз лъэпкъ­хэр ыкIи рассадэ зэфэшъхьаф­хэу чIыпIэ щакIохэм къагъэкIыгъэхэр мыщ щыжъугъотыщтых.

«Роспотребнадзорым» къыгъэнэфэгъэ шапхъэхэм атетэу ермэлыкъыр зэхэщэгъэщт: щэпIэ чIыпIэхэр агъэмэкIэщтых ыкIи азыфагу зэпэчыжьэщт. ЩакIохэм маскэхэр ыкIи Iалъэхэр, аIэхэр дезинфекцие зэрашIыщтхэр шIокI имыIэу агъэфедэнхэу щыт.

Муниципалитетым зекIоныр зыгъэмэкIэрэ шапхъэу щыгъэ­нэфагъэм елъытыгъэу зыныбжь илъэс 65-м къехъугъэхэр ер­мэлыкъым кIонхэ фитхэп. Ащ нэмыкIэу, чэзыухэм ахэмытынхэу ыкIи азыфагу илъ зэпэ­чы­жьагъэм лъыплъэнхэу, зыу­хъу­мэрэ амалхэр агъэфедэнхэу къэлэдэсхэм зафагъазэ. Iэшъынэ Сусан.