ШышъхьэIум ыкIэм нэс гъэцэкIэжьынхэр аухыщтых тынхэр аратыжьыгъэх
2020-рэ илъэсым ыкIэм нэс Адыгеим икъоджэ еджэпIи 9-мэ яспортзалхэр агъэцэкIэжьыщтых.
Адыгеим гъэсэныгъэмрэ шIэныгъэмрэкIэ и Министерствэ къызэрэщаIуагъэмкIэ, мы Iофыгъом сомэ миллион 14-м ехъу пэIуагъэхьащт.
— Джырэ уахътэм организации 5-мэ IофшIэнхэр ащарагъэжьагъэх. Мэкъуогъум щыублагъэу адрэхэми гъэцэкIэжьынхэр арашIылIэщтых. 2020-рэ илъэсым шышъхьэIу мазэм нэс IофшIэнхэр аухынхэу агъэнафэ, — къыщаIуагъ ведомствэм.
Лъэпкъ проектэу «Гъэсэныгъэм» хэхьэрэ шъолъыр проектэу «Успех каждого ребенка» зыфиIорэм къыдыхэлъытагъэу гъэцэкIэжьынхэр ашIыщтых. КIэлэеджакIохэр спортым нахь пылъынхэм, апкъышъол псыхьагъэу къэтэджынхэм ар фэIорышIэщт. Гъонэжьыкъо Сэтэнай.