Тишъолъыр бизнес Iофхэр чанэу щызэхэ­щэ­гъэнхэм АР-м ипредпринимательхэм Iэпы­Iэ­гъу защафэхъухэрэ Гупчэр зэпымыоу дэлажьэ.

Мы аужырэ мэзитIур пштэмэ, бизнес цIыкIумрэ гурытымрэ ахэхьэрэ субъект 13-мэ бизнес-планхэр Гупчэм иэкспертхэм афагъэхьазырыгъэх, заявки 2-мэ джыри Iоф адашIэ.

Заявкэ 13-мэ ягъэцэкIэн къыдыхэлъытагъэу, IэкIыбым щыщ щэфакIохэу къякIущтхэм якъэгъотын ыуж итых. Анахьэу Азербайджан, Бахрейн, Узбекистан ыкIи Саудовскэ Аравием ащэлъыхъох.

Ащ нэмыкIэу, чIыпIэ зэжъоу зэрыфагъэхэм къикIыжьынхэмкIэ зекIорэ федеральнэ ыкIи шъолъыр IэпыIэгъухэм якъэбар бизнесым исубъект 933-мэ зырызэу афарагъэхьыгъ.

Непэ ехъулIэу предприни­матели 198-мэ яIофышIэхэм лэ­жьапкIэр аратынымкIэ IэпыIэгъу къафэхъунхэмкIэ заявкэхэр афагъэхьазырыгъэх ыкIи Iофыр зэшIохыгъэ хъугъэ. Iэшъынэ Сусан.