Муниципальнэ образованиеу «Крас­ногвардейскэ район» зы­фи­Iорэм ипсэупIэхэм ащыщ хьэ­да­гъэм цIыфыбэ щызэхахьи, ащ ыпкъ къикIыкIэ коронавирусыр къы­зэолIагъэхэм япчъагъэ лъэшэу зэ­рэдэкIоягъэм епхыгъэ Iофыр Адыгеим иследовательхэм зэхафы.

Ащ ыпкъ къикIыкIэ Садовэ къоджэ псэупlэм иадминистрацие ипащэ ылъэныкъокIэ уголовнэ Iоф къызэIуахыгъ.

ЗэрагъэунэфыгъэмкIэ, Адыгэ Республикэм и ЛIышъхьэ иунашъо ащ ыгъэцэкIагъэп: псэупIэм щыпсэурэ цIыфхэм язекIон макIэ ашIынымкIэ гъунапкъэхэр ыгъэуцу­гъэхэп, Бжъэдыгъухьаблэ дэхьэрэ ыкIи дэкIырэ транспорт амалхэм икъоу алъыплъагъэп.

Ащ имызакъоу, цIыфыбэ зыхэлэжьэрэ Iоф­тхьабзэхэр зэхащэ зэрэмыхъущтым емылъыты­гъэу, къэхалъэхэм адэмыхьанхэмкIэ ищыкIэгъэ амалхэр пащэм зэрихьагъэхэп. Мы ушъхьагъухэм къахэкIыгъ хьадагъэм къекIолIагъэхэм узыр къапыхьаныр, нэ­ужым яIахьылхэми апахы­жьыныр.

Мы уахътэ Iофым еп­хыгъэ следственнэ Iоф­тхьабзэхэр рекIокIых.