ООО-у «ЭкоЦентрэм» иIофышIэхэу Красногвардейскэ рай­оным икъуаджэу Бжъэдыгъухьаблэ хэкIыр щызыугъои­хэрэм маскэхэр зэраIулъхэм, Iалъэхэр зэрапылъхэм ямы­­закъоу, вирусым цIыфыр щызыухъумэрэ щыгъынхэри ащыгъых.

Мы псэупIэм корона­вирусым лъэшэу зызэрэщиушъомбгъугъэм къы­хэкIыкIэ, ащ фэдэу компа­нием иIофышIэхэм ящы­нэгъончъагъэ икъэухъумэн ыгъэлъэшыгъ.

— Зэпахырэ узым Iофыгъуабэ къыздихьыгъ нахь мышIэми, графикыр мыукъогъэныр апшъэ тэгъэуцу. ХэкIыр игъом Iущыгъэн фае, сыда пIомэ, вирусым зимыушъомб­гъунымкIэ зишIуагъэ къа­кIохэрэм ари зэу ащыщ, — къыIуагъ ООО-у «ЭкоЦентрэм» и Адыгэ шъо­лъыр къутамэ ипащэу Алыбэрд Налбый.

Коронавирусым ыпкъ къикIыкIэ цIыфхэр зэ­хэмыхьанхэу зашIыгъэм къыщыублагъэу шъолъыр операторым зыпарэкIи иIофшIэн къызэтыригъэуцуагъэп. Водительхэмрэ автомобильхэм хэкIыр арызытакъохэрэмрэ мас­кэ­хэр, Iалъэхэр ищыкIа­гъэм фэдизэу компанием аретых. Медицинэм иучреждениехэм, зэпахырэ узым зызщиушъомбгъурэ псэупIэхэм Iоф ащызы­шIэрэ экипажхэм щы­гъынхэри аIэкIегъахьэх.

Шъугу къэтэгъэкIыжьы, пыдзэфэ пытэхэм ядэщын епхыгъэу упчIэ зи­Iэхэр мы телефонхэмкIэ къытеонхэ алъэкIыщт: 8-800-707-05-08, 8-962-868-14-62.

ООО-у «ЭкоЦентрэм» и Адыгэ шъолъыр къутамэ ипресс-къулыкъу.