Мыгъэрэ НэкIмазэр адрэ илъэсхэм афэдагъэп. Зэпахырэ узэу коронавирусым ыпкъ къикIыкIэ тимэщытхэр зэфэтшIынхэ фае хъугъэ, тиунэхэм тарысэу тхьэлъэIухэр тшIыгъэх. Ау мэзэ кIоцIым шIушIэныр зетхьаным ар пэрыохъу фэхъугъэп.

Джы мары къэсыгъ быслъымэнхэм ямэфэкIышхуитIум язэу Бирамыр. НэкIыр зэрэтыухыгъэм ар ишыхьат.

Лъытэныгъэ зыфэсшIырэ быслъы­мэнхэр! Адыгэ Республикэмрэ Пшызэ шъо­лъырымрэ ащыпсэурэ быслъымэнхэм я ДиндэлэжьапIэ цIыфхэм закъыфе­гъа­зэ яунэхэм арысхэу Бирамыр агъэ­мэфэкIынэу. Джащ фэдэу шъуиIа­хьылхэр, шъуигупсэхэр зыдэлъхэ къэхалъэхэм шъуадэмыхьанэу, хьэкIапIэ шъумыкIонэу тыкъышъоджэ.

Сэ сшъхьэкIи, ДиндэлэжьапIэм ыцIэкIи Адыгеим ыкIи Пшызэ шъолъыр ащыпсэурэ быслъымэнхэм БирамымкIэ сафэгушIо.

НэкIыр зыIыгъым IэпыIэгъу зищыкIагъэхэм ишIуагъэ арегъэкIы, гукIэ­гъур, цIыфыгъэр къыхэфэх. Мэзэ лъапIэм шъуилъэIухэр, шIушIагъэу зешъухьагъэр Тхьэм ыштэнхэу, ащ игукIэгъу къышъу­лъыIэсынэу, мамырэу шъупсэунэу шъу­фэсэIо.

Адыгэ Республикэмрэ Пшызэ шъолъырымрэ ащыпсэурэ быслъымэнхэм ямуфтиеу Къэрдэнэ Аскэрбый.