НэмыкIэу зэхащэщт
ТхылъеджапIэм иIофышIэ анахь дэгъум икъыхэхын зэблэхъугъэ хъугъэ.
Пандемием ыпкъ къикIыкIэ lудзыгъэ шIыкIэм тетэу ар джы рагъэкIокIыщт. АР-м культурэмкIэ и Министерствэ къызэрэщаIуагъэмкIэ, шъолъыр зэнэкъокъоу «Илъэсым ибиблиотекарь анахь дэгъу» зыфиIорэм хэлажьэхэрэм видеокъэгъэлъэгъонэу къагъэхьыгъэхэмкIэ аушэтыщтых. Муниципалитет пэпчъ илIыкIо Iофтхьабзэм хэлажьэ.
Ар уцугъуищэу зэтеутыгъ: хэлажьэрэм ивизитнэ карточкэу «Деловой автограф», Хэгъэгу зэошхом ТекIоныгъэ къызщыдэтхыгъэр илъэс 75-рэ зэрэхъурэм фэгъэхьыгъэ къэгъэлъэгъонэу «Великая война — Великая Победа» ыкIи «Моя модельная библиотека» зыфиIорэ зэнэкъокъу-эссер.
Адыгэ Республикэм икъэралыгъо программэу «Культурэм хэхъоныгъэхэр ышIынхэр» зыфиIорэм къыдыхэлъытагъэу зэнэкъокъур зэхащэ.
Гъонэжьыкъо Сэтэнай.