Автомобили 5 кIэу къаIэкIэхьагъ
Апэрэ медицинэ IэпыIэгъур цIыфхэм алъагъэIэсыным фытегъэпсыхьэгъэ автомобили 5 кIэу Красногвардейскэ районым къыIэкIэхьагъ.
Урысые Федерацием икъэралыгъо программэу «Къоджэ чIыпIэхэм хэхъоныгъэ ашIыныр» зыфиIорэм къыдыхэлъытагъэу, 2020-рэ илъэсым автомобильхэр муниципалитетым ратыгъэх.
— Жъэу щыIэгъэ автомобильхэм ачIыпIэ кIэхэр идгъэхьащтых. Врачебнэ амбулатории 4-м ыкIи зы фельдшер-мамыку IэзапIэм ахэр япхыгъэщтых, — къыщаIуагъ район администрацием.
Шъугу къэтэгъэкIыжьы, мы мафэхэм Красногвардейскэ районым ит псэупIэхэм ащыщхэм Адыгеим и ЛIышъхьэ зэращыIагъэр, Бжъэдыгъухьаблэ дэт бэдзэрым санитарнэ-эпидемиологическэ шапхъэхэр зэрэщагъэцакIэрэр ыуплъэкIугъ. ГумэкIыгъор дэгъэзыжьыгъэ хъуным, Iофхэм язытет зыпкъ иуцожьыным афэшI ищыкIэгъэ Iофыгъохэр шIокI имыIэу щызэшIуахынэу КъумпIыл Мурат къафигъэпытагъ.
Гъонэжьыкъо Сэтэнай.